ზუგდიდის მუნიციპალიტეტის ცენტრალური ბიბლიოთეკის დარბაზში ჩატარდა გამომცემლობა „ინტელექტისა“ და ზუგდიდის მუნიციპალიტეტის ცენტრალური ბიბლიოთეკის მიერ ორგანიზებული „შეხვედრა თანამედროვე ქართველ პოეტებთან.“
სტუმრებს მიესალმა ბიბლიოთეკის დირექტორი-მანანა გვარამია, მან აღნიშნა, თუ რაოდენ მნიშვნელოვანია ასეთი შეხვედრები მკითხველებისათვის, პოეზიის მოყვარულთათვის. შემდეგ სიტყვით გამოვიდა ზვიად კვარაცხელია-მწერალი, გამომცემელი, ამ შეხვედრის ერთერთი ინიციატორი.
საღამოზე წარმოდგენილ იქნა „ინტელექტის“ მიერ ბოლო წლებში გამოცემული თანამედროვე ქართველი პოეტების კრებულები, ასევე გამომცემლობის სხვა წიგნებიც.
თანამედროვე პოეტების წიგნები თავად ავტორებმა წარმოადგინეს. ახალგაზრდა პოეტები დამსწრე საზოგადოების წინაშე წარადგინა ზვიად კვარაცხელიამ- ჩვენი ბიბლიოთეკის დიდმა გულშემატკივარმა და მეგობარმა.
ბიბლიოთეკის ინტერნეტტელევიზიამ -ZugdidilibTV-მ ჩაწერა ახალგაზრდა ქართველი პოეტების სურვილები ჩვენი ბიბლიოთეკისა და ჩვენი მკითხველებისადმი.
ბიბლიოთეკის თანამშრომლებმა და მკითხველებმა სამახსოვრო ფოტოები გადაიღეს თანამედროვე ახალგაზრდა პოეტებთან.
საათზე მეტი ხნის მანძილზე ირაკლი კაკაბაძემ(იაკი კაბემ), გვანცა ჯობავამ და სოსო მიშველიანმა თავიანთი პოეზია გააცნეს დარბაზში შეკრებილ მაყურებელს.
ახალგაზრდა პოეტების შემოქმედება შეაფასა კრიტიკოსმა თამილა წოწორიამ.
სტუმრებს გულთბილად მიესალმნენ ზუგდიდელები-ზეინაბ სარია, ზურაბ ცხონდია, ნიკა ლაშხია.
საღამოს ესწრებოდნენ პრესისა და ტელეკომპანიის წარმომადგენლები.
ტელეკომპანია „ოდიშმა“ მოამზადა რეპორტაჟი.
საღამოს ბოლოს გაიმართა ალაფურშეტი.
ბიბლიოთეკის თანამშრომლებმა და მკითხველებმა სამახსოვრო ფოტოები გადაიღეს თანამედროვე ახალგაზრდა პოეტებთან.
Комментариев нет:
Отправить комментарий