გამოფენა-''საქართველო და ევროპა'' ზუგდიდში

      18 ნოემბერს  ზუგდიდის არტ გალერეაში  გაიხსნა გამოფენა, რომელიც დამთვალიერებელს ქართულ-ევროპული ურთიერთობების ხანგრძლივსა და საინტერესო ურთიერთობებზე მოუყვება. გამოფენის ორგანიზატორები არიან ეროვნული ბიბლიოთეკა, ევროკავშირის წარმომადგენლობა საქართველოში, ხელნაწერთა ეროვნული ცენტრი, საქართველოს ეროვნული არქივი, საქართველოს საბიბლიოთეკო ასოციაცია და ზუგდიდის მუნიციპალიტეტის ცენტრალური ბიბლიოთეკა.

       ქართულ-ევროპული ურთიერთობების ამსახველი გამოფენა ევროპის დღის აღსანიშნავად მომზადდა და მას პირველად თბილისელები 2012 წლის მაისში გაეცნენ.
      ექსპოზიციაზე წარმოდგენილია  ეროვნული ბიბლიოთეკის ფონდებში, ეროვნულ არქივსა და ხელნაწერთა ეროვნულ ცენტრში დაცული უნიკალური მასალები: ფოტოები, წიგნები, ხელნაწერები და დოკუმენტები.

   „გამოფენის წარმატებამ თბილისში გადაგვაწყვეტინა, იგი დანარჩენ საქართველოსაც ვაჩვენოთ,  ამ გამოფენით სწორედ იმის თქმა და ჩვენება გვსურს, რომ საქართველო ყოველთვის იყო ევროპის ნაწილი და გამოფენაზე წარმოდგენილი დოკუმენტებიც ევროპული კულტურული მემკვიდრეობის სრულფასოვანი და განუყოფელი ნიმუშებია.“ - ყვება გამოფენის ერთ-ერთი ორგანიზატორი, ეროვნული ბიბლიოთეკის მეცნიერების, კულტურისა და სამოქალაქო განათლების დეპარტამენტის დირექტორი ემზარ ჯგერენაია.

    ''მადლობა საქართველოს პარლამენტის ეროვნულ ბიბლიოთეკას, რადგან გამოარჩია ჩვენი ქალაქის საზოგადოება და ქართულ-ევროპული ურთიერთობების საინტერესო ფურცლები გადაგვიშალეს თვალწინ,  მადლობა მათ, რადგან თავიანთ პროექტებში რთავენ ზუგდიდის ცენტრალურ ბიბლიოთეკას,''-განაცხადა პრესასთან საუბარში ზუგდიდის მუნიციპალიტეტის ცენტრალური ბიბლიოთეკის დირექტორმა მანანა გვარამიამ.

გამოფენის გახსნას თან ერთვოდა მოხსენებები ქართულ-ევროპულ ურთიერთობებზე.  მოხსენებებსა და დისკუსიებს  უძღვებოდნენ  ექსპერტები საქართველოს პარლამენტის ეროვნული ბიბლიოთეკიდან.

გიორგი საბანაძე 

ჟანა ქვათაძე

გიორგი კილაძე

ციური კოჭლაშვილი

ემზარ ჯგერენაია

ღონისძიება ევროპის დღის აღსანიშნავად ტარდება საქართველოს სხვადასხვა ქალაქებში. ერთი კვირა გამოფენა რჩება ზუგდიდში. შემდეგ კი ქუთაისსა და ახალციხეში გადაინაცვლებს.
ძვირფასო ზუგდიდელებო და ჩვენი ქალაქის სტუმრებო, მობრძანდით არტ გალერეაში და დაათვალიერეთ ქართულ-ევროპული ურთიერთობების ამსახველი საინტერესო გამოფენა.
http://info9.ge/?l=G&m=1000&id=9645

ცოცხალი ბიბლიოთეკა-სახეები

   „ცოცხალი ბიბლიოთეკა“  ზუგდიდის  მუნიციპალიტეტის ცენტრალური ბიბლიოთეკის ტრადიციულ ღონისძიებათა რიცხვს მიეკუთვნება. წელს იგი მეორედ ჩატარდა  და კვლავ საზოგადოების დიდი რეზონანსი გამოიწვია. ამას მოწმობს  ჩვენი ბიბლიოთეკის შთაბეჭდილების წიგნში გაკეთებული ჩანაწერები. ზოგიერთ მათგანს შემოგთავაზებთ:


 

  

      ღონისძიების მიმდინარეობის განმავლობაში ჩვენმა მოხალისეებმა ცენტრალური ქუჩის სხვადასხვა ადგილებში  გაავრცელეს   ბუკლეტები და დააინფორმირეს  გამვლელ-გამომვლელი. დაინტერესებული მკითხველი კატალოგიდან ირჩევდა სასურველ  ''ცოცხალ წიგნს'' და მიდიოდა მასთან.

     ორი საათის განმავლობაში  ზუგდიდის ცენტრალურ სკვერში დაინტერესებული მკითხველი გაესაუბრა ცოცხალ წიგნებს ანუ ადამიანებს, რომელთა პირადი თუ პროფესიული საქმიანობა მისაბაძი და საინტერესოა ყველასათვის.  იყვნენ ისეთებიც, რომელთა ხედვა გარკვეულწილად  ინოვაციაა  ჩვენი ქალაქის  სივრცისათვის.  „ცოცხალი წიგნების  სტატუსით მოწვეული ადამიანები“-მოძღვარი,  უცხოელი მოხალისე მასწავლებელი,   ცოტნე დადიანის დარბაზი,  პანტომიმის მსახიობი,  უცხოელების კოორდინატორი,  წიგნის მოყვარული(მკითხველი),  მრავალშვილიანი დედა პირისპირ ესაუბრებოდნენ მკითხველებს შერჩეულ თემატიკაზე. 

ცოტნე დადიანის დარბაზი

მრავალშვილიანი დედა

წიგნის მოყვარული(მკითხველი)

 ღონისძიების მიზანი-ახალგაზრდებს მივაწოდოთ ზეპირი საინტერესო ინფორმაცია, პირადი საუბრებით ჩამოვუყალიბოთ შეხედულებები სხვადასხვა საკითხებთან დაკავშირებით-წარმატებით  განხორციელდა. 

      ბიბლიოთეკარებმა  გააფორმეს  40  ახალი  მკითხველი.  განსაკუთრებით ჭარბობდნენ ახალგაზრდები,  იყვნენ შორიდან მოცქირალნიც:)),  მაგრამ იმედია მომავალში  ისინიც მოერგებიან ამ  ფორმატს.  მკითხველთა დიდი რაოდენობა ჰყავდა  მოძღვარს, პანტომიმის მსახიობსა და უცხოელ მოხალისე მასწავლებელს. 

პანტომიმის მსახიობი

დეკანოზი ანდრია კემულარია

მოხალისე უცხოელი მასწავლებელი

     დავაწესეთ სიგელი, რომელიც გადაეცა ყველაზე აქტიურ მკითხველს(ვინც მეტ  „ცოხალ წიგნს  წაიკითხავდა).

     მინდა დიდი მადლობა გადავუხადო ადამიანებს, რომლებმაც  ცოცხალი წიგნების სტატუსით თავიანთი ცოდნა და გამოცდილება უანგაროდ  გაუზიარეს ჩვენს მკითხველებს. 
     მადლობა მათ! დეკანოზ ანდრია კემულარიას,  პიტერ ბოჰანს, ზეინაბ თოდუას,  გრიშა ეხვაიას,  გიორგი ქობალიას,  ირაკლი  გულუასა და ანი მალანიას! 
     მადლობა ჩვენს  მოხალისეებს-ჩვენი ბიბლიოთეკის მკითხველებს-თამარ  ქირიას, მარიამ ქარჩავასა და დათა ციკუტანიას აქტიური თანამშრომლობისათვის!
     ღონისძიება გაშუქდა ადგილობრივი პრესისა და ტელერადიოკომპანიების  მიერ.

 http://odishi.ge/sainformacio-sazogadoeba/866-7-cocxali-biblioteka-saxeebi.html
http://www.facebook.com/pages/ZugdidilibTV/356009437807362?ref=hl

მობილური ბიბლიოთეკა მუშაობას აგრძელებს

      ზუგდიდის მუნიციპალიტეტის ცენტრალური ბიბლიოთეკის პროექტ-„მობილური ბიბლიოთეკ“-ის მუშაობა აქტიურ ფაზაშია.
   31 ოქტომბერს კომბინატის დასახლებას ვეწვიეთ.  ბიბლიოთეკარები ჩვეული რეჟიმით შეუდგნენ  მუშაობას.

 

მალე  მკითხველებიც გამოჩნდნენ.

  ქალაქის სამ  დაშორებულ ტერიტორიაზე-ფაიფურში,  ენგურქაღალდკომბინატისა და
ე. წ. „პრესოვკის“  დასახლებებში  დანიშნულ დღეს გველიან მკითხველები. მათ რიცხს კი დღითი-დღე ემატება ახალი მკითხველი.
     უკვე გვყავს აქტიური  მკითხველები, რომლებიც თავიანთ უბანში ჩვენს ინფორმატორებად ითვლებიან. მაგალითად, ზემოთაღნიშნულ დასახლებაში ჩვენი  ინფორმატორები არიან ძმები-დიმიტრი და   გაბრიელ  გულუები. მათი თანაკლასელებისა  და მეზობელი კორპუსების ბავშვების დაინტერესება მობილური ბიბლიოთეკით  მათი დამსახურებაცაა.
       პროექტმა დიდი დაინტერესება გამოიწვია მოსახლეობაში, ისინი კმაყოფილებითა და მადლიერების გრძნობით აღნიშნავენ ამ პროექტის შედეგებზე.
 ასე რომ, „მობილური ბიბლიოთეკა“ აგრძელებს მუშაობას.  წინ კიდევ ბევრი საინტერესო დღე გველოდება!:)