ბიბლიოთეკების კვირეული ზუგდიდში

                                ბიბლიოთეკების კვირეული ზუგდიდში


      „საქართველოს ბიბლიოთეკების კვირეული“  წარმოადგენს მთელი საქართველოს ყველა კუთხის ბიბლიოთეკების, ბიბლიოთეკარებისა და მათი „მეგობრების“ უნიკალურ ფორუმს. ამ დღეებში საქართველოს სხვადასხვა ქალაქებსა და სოფლებში ჩატარდება საინტერესო შეხვედრები, პრეზენტაციები, გამოფენები, აქციები.
      ბიბლიოთეკების კვირეულები ხელს უწყობენ ბიბლიოთეკების საქმიანობის წარმოჩენას და მათი ღირსეული იმიჯის შექმნას, საინფორმაციო მომსახურების, განათლების და ინფორმაციის ხელმისაწვდომობის განვითარებას.

     კვირეული ტარდება ყოველი წლის აპრილის ბოლოს ერთი კვირის განმავლობაში  და საქართველოს ყველა მოქალაქეს საშუალება ეძლევა მივიდეს ბიბლიოთეკაში და მონაწილეობა მიიღოს ამ ფორუმში, გაეცნოს მისთვის საინტერესო საქმიანობებს.

 http://217.147.230.58/drup/?q=node/13

       ბიბლიოთეკების კვირეული გაიხსნება 23 აპრილს საქართველოს პარლამენტის ეროვნულ ბიბლიოთეკაში. კვირეულის ძირითადი თემებია ელექტრონული ბიბლიოთეკები და ბიბლიოთეკა ბავშვებისთვის. 

    ზუგდიდის მუნიციპალიტეტის ცენტრალური ბიბლიოთეკა წლების განმავლობაში აქტიურად  მონაწილეობდა  „საქართველოს ბიბლიოთეკების კვირეულის“ ფორუმში. ამ ფორუმის ფარგლებში წელსაც იგეგმება საინტერესო ღონისძიებები.

     გთავაზობთ ჩვენი ბიბლიოთეკის კვირეულის პროგრამას:

     ძვირფასო მკითხველებო, ბიბლიოთეკის მეგობრებო, უბრალოდ დაინტერესებულო პირებო,  გიწვევთ ჩვენთან! დაესწარით და მონაწილეობა მიიღეთ თქვენთვის საინტერესო ღონისძიებებში.

      იპოვეთ თქვენი მომავალი ბიბლიოთეკაში!